Զեկ. ԱՐՄԵՆ ՍԱՐԳՍՅԱՆ

Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 21-րդ կետով, հաշվի առնելով Կապան համայնքի ղեկավարի առաջարկությունը, Կապան համայնքի ավագանին որոշում է.

 1. Համայնքի սեփականություն հանդիսացող գույքը՝ Կապան քաղաքի Ձորք թաղամասի թիվ 20 հասցեում գտնվող թիվ 13 ՆՈՒՀ-ի շենքի (Անշարժ գույքի նկատմամբ իրավունքների պետական գրանցման վկայական N 25032016-09-0025) 3-րդ հարկից՝ 201.15 քառ.մետր և 4-րդ հարկից՝ 228.1 քառ.մետր՝ ընդհանուրը 429.25 քառ.մետր   մակերեսով հասարակական նշանակության տարածքը՝ անժամկետ,   անհատույց օգտագործման իրավունքով տրամադրել «Կապանի թիվ 3 Երաժշտական դպրոց» համայնքային ոչ առևտրական կազմակերպությանը՝ իր կանոնադրությամբ նախատեսված գործունեությունը իրականացնելու նպատակով:

2. «Կապանի թիվ 13 Նախադպրոցական ուսումնական հաստատության» համայնքային ոչ առևտրական կազմակերպությանը անժամկետ,   անհատույց օգտագործման իրավունքով տրամադրված անշարժ գույքից նվազեցնել 429.25 քառ.մետր  համապատասխան մակերեսով տարածք:

3. Համայնքի ղեկավարին՝ սույն որոշումից բխող գործառույթներն իրականացնել օրենսդրությամբ սահմանված կարգով: