Ղեկավարվելով Տեղական ինքնակառավարման մասին Հայաստանի Հանրապետության օրենքի 18-րդ հոդվածի 1-ին մասի 21-րդ կետով,  Հողային օրենսգրքի 50-րդ հոդվածի 3-րդ մասի 1-ին ենթակետով,  հաշվի առնելով ԱԺԴԱՆԱԿ                              ՍՊ ընկերության 29․01․2025թ․ թիվ 38-2025 գրությունը և համայնքի ղեկավարի   առաջարկությունը, Կապան համայնքի ավագանին որոշում  է.

1. Հայաստանի Հանրապետության Սյունիքի մարզի Կապան համայնքի վարչական տարածքում, Կապան համայնքի Ներքին Հանդ գյուղում գտնվող, համայնքային սեփականություն հանդիսացող 0.23236 հեկտար գյուղատնտեսական նշանակության արոտը  /ծածկագիր 09-065-0201-0002/ տարեկան 23000 (քսաներեք հազար) դրամ վարձավճարով երկու տարի ժամկետով սահմանափակ օգտվելու իրավունքով (սերվիտուտ)  տրամադրել  «ԱԺԴԱՆԱԿ» ՍՊ ընկերությանը՝ հողամասով անցնելու կամ երթևեկելու համար։

2. Համայնքի ղեկավարին՝ Հայաստանի Հանրապետության օրենսդրությամբ սահմանված կարգով և ժամկետներում ձեռնարկել սույն որոշումից բխող գործառույթների իրականացումը:

3․ Սույն որոշումը ուժի մեջ է մտնում պաշտոնական հրապարակմանը հաջորդող օրվանից։