Ղեկավարվելով Տեղական ինքնակառավարման մասին Հայաստանի Հանրապետության օրենքի 13-րդ հոդվածի 12-րդ մասով, 18-րդ հոդվածի 1-ին մասի 42-րդ կետով, համաձայն Հայաստանի Հանրապետության քաղաքացիական օրենսգրքի 466-րդ հոդվածի 1-ին մասի, 468-րդ հոդվածի 1-ին մասի, Պետական (համայնքային) սեփականություն հանդիսացող հողամասի կառուցապատման իրավունքի տրամադրման մասին 2023 թվականի նոյեմբերի 3-ին կնքված պայմանագրի (այսուհետ նաև Պայմանագիր) 9․1․ կետի և հաշվի առնելով «Պրես Ստենդ» սահմանափակ պատասխանատվությամբ ընկերության տնօրենի դիմումը և Կապան համայնքի ղեկավարի առաջարկությունը, Կապան համայնքի ավագանին որոշում է.

1․ Սյունիքի մարզի Կապան համայնքի Կապան քաղաքի Հալիձոր թաղամասի 2/10 հասցեում գտնվող 0․0006 հեկտար մակերեսով հողամասը ոչ հիմնական շինություն՝ տաղավար տեղադրելու նպատակով կառուցապատման իրավունքով «Պրես Ստենդ» սահմանափակ պատասխանատվությամբ ընկերությանը տրամադրելու մասին 2023 թվականի նոյեմբերի 3-ին կնքված պայմանագրի 2-րդ կետում կատարել փոփոխություն՝ «4 /չորս/ տարի» թիվն ու բառը փոխարինելով «7 /յոթ/ տարի» թվով ու բառով։ 

2․ «Պրես Ստենդ» սահմանափակ պատասխանատվությամբ ընկերության հետ կնքել համաձայնագիր՝ Պայմանագրում փոփոխություն կատարելու վերաբերյալ։ 

3․ Սահմանել, որ Պայմանագրում փոփոխություն կատարելու վերաբերյալ համաձայնագրի կնքման և դրանից ծագող իրավունքների պետական գրանցման հետ կապված բոլոր ծախսերն իրականացվելու են վարձակալ «Պրես Ստենդ» սահմանափակ պատասխանատվությամբ ընկերության միջոցների հաշվին: 

4. Համայնքի ղեկավարին՝ Հայաստանի Հանրապետության օրենսդրությամբ սահմանված կարգով և ժամկետներում ապահովել սույն որոշման կատարումը։