Տեղեկացնում ենք Ձեզ, որ <<Կապանի բժշկական կենտրոն>> ՓԲ ընկերության թթվածնի կայանի կառուցման լրամշակված նախագծանախահաշվային փաստաթղթերն օրենքով սահմանված կարգով ներկայացվել են համալիր փորձաքննության և Հայաստանի Հանրապետության քաղաքաշինության կոմիտեի կողմից ստացվել է դրական եզրակացություն /տեղեկատվությունը կցվում է/։
Հայաստանի Հանրապետության կառավարության 1998 թվականի հոկտեմբերի 28-ի <<Կենսագործունեության միջավայրի ծրագրվող փոփոխությունների մասին իրազեկման և հրապարակված քաղաքաշինական ծրագրերի ու նախագծերի քննարկմանը և որոշումների ընդունմանը հասարակության ներկայացուցիչների մասնակցության կարգը սահմանելու մասին>> N 660 որոշմամբ հաստատված կարգի համաձայն, 2022 թվականի դեկտեմբերի 02-ին, ժամը 15։00-ին Կապանի համայնքապետարանի նիստերի դահլիճում տեղի կունենա վերոնշյալ գործունեության վերաբերյալ հասարակական քննարկումը։ Վերոհիշյալ աշխատանքների հետ կապված ձեր առաջարկությունները, դիտողությունները և կարծիքները կարող եք ներկայացնել Կապանի համայնքապետարանի քաղաքաշինության և կոմունալ տնտեսության բաժին կամ ուղարկել Կապանի համայնքապետարանի kapanmayor@gmail.com էլեկտրոնային փոստին մինչև 2022 թվականի դեկտեմբերի 01-ը, ժամը 17։00 ։
Փաստաթղթերին կարող եք ծանոթանալ քաղաքաշինության և կոմունալ տնտեսության բաժնում՝ հասցեն ք․ Կապան, Արամ Մանուկյան 5ա, հեռախոս +28540479։