ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ
ԿԱՊԱՆ ՀԱՄԱՅՆՔԻ ԱՆՁՆԱԳԻՐ

 (կենտրոնը` Կապան քաղաք)

 1. ՊԱՏՄԱԿԱՆ ԱԿՆԱՐԿ

2. ԱՇԽԱՐՀԱԳՐԱԿԱՆ ՆԿԱՐԱԳԻՐ

3. ՀԱՄԱՅՆՔԻ ԿԼԻՄԱՅԱԿԱՆ ՀԱՄԱՌՈՏ ԲՆՈՒԹԱԳԻՐԸ 

4. ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ

5. ԲՆԱԿՉՈՒԹՅՈՒՆԸ, ԲՆԱԿՉՈՒԹՅԱՆ ՍՈՑԻԱԼԱԿԱՆ ԿԱԶՄԸ

6. ՄՇԱԿՈՒԹԱՅԻՆ, ԿՐԹԱԿԱՆ, ՄԱՐԶԱԿԱՆ ՀԱՍՏԱՏՈՒԹՅՈՒՆՆԵՐ

7. ԲՆԱԿԵԼԻ ՖՈՆԴ

8. ՀՈՂԱՅԻՆ ՖՈՆԴ ԵՎ ԳՅՈՒՂԱՏՆՏԵՍՈՒԹՅՈՒՆ

9. ԵՆԹԱԿԱՌՈՒՑՎԱԾՔՆԵՐ

10. ՖԻՆԱՆՍԱԿԱՆ ՑՈՒՑԱՆԻՇՆԵՐ

Համայնքի վարչական բյուջեի եկամուտներ (հազ. դրամ)

Համայնքի վարչական բյուջերի ծախսեր (հազ. դրամ)

Համայնքի ֆոնդային բյուջերի եկամուտները (հազ. դրամ) 

Ֆոնդային բյուջեի ծախսեր (հազ. դրամ)

11. ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐ

12. ՀԱՄԱՅՆՔԻ ՀԻՄՆԱԽՆԴԻՐՆԵՐԸ 

ՀԱՅԱՍՏԱՆԻ ՀԱՆՐԱՊԵՏՈՒԹՅԱՆ ՍՅՈՒՆԻՔԻ ՄԱՐԶԻ
ԿԱՊԱՆ ՀԱՄԱՅՆՔԻ ԱՆՁՆԱԳԻՐ

 (կենտրոնը` Կապան քաղաք)

 1. ՊԱՏՄԱԿԱՆ ԱԿՆԱՐԿ

2. ԱՇԽԱՐՀԱԳՐԱԿԱՆ ՆԿԱՐԱԳԻՐ

3. ՀԱՄԱՅՆՔԻ ԿԼԻՄԱՅԱԿԱՆ ՀԱՄԱՌՈՏ ԲՆՈՒԹԱԳԻՐԸ 

4. ԸՆԴՀԱՆՈՒՐ ՏԵՂԵԿՈՒԹՅՈՒՆՆԵՐ

5. ԲՆԱԿՉՈՒԹՅՈՒՆԸ, ԲՆԱԿՉՈՒԹՅԱՆ ՍՈՑԻԱԼԱԿԱՆ ԿԱԶՄԸ

6. ՄՇԱԿՈՒԹԱՅԻՆ, ԿՐԹԱԿԱՆ, ՄԱՐԶԱԿԱՆ ՀԱՍՏԱՏՈՒԹՅՈՒՆՆԵՐ

7. ԲՆԱԿԵԼԻ ՖՈՆԴ

8. ՀՈՂԱՅԻՆ ՖՈՆԴ ԵՎ ԳՅՈՒՂԱՏՆՏԵՍՈՒԹՅՈՒՆ

9. ԵՆԹԱԿԱՌՈՒՑՎԱԾՔՆԵՐ

10. ՖԻՆԱՆՍԱԿԱՆ ՑՈՒՑԱՆԻՇՆԵՐ

Համայնքի վարչական բյուջեի եկամուտներ (հազ. դրամ)

Համայնքի վարչական բյուջերի ծախսեր (հազ. դրամ)

Համայնքի ֆոնդային բյուջերի եկամուտները (հազ. դրամ) 

Ֆոնդային բյուջեի ծախսեր (հազ. դրամ)

11. ՏԵՂԱԿԱՆ ԻՆՔՆԱԿԱՌԱՎԱՐՄԱՆ ՄԱՐՄԻՆՆԵՐ

12. ՀԱՄԱՅՆՔԻ ՀԻՄՆԱԽՆԴԻՐՆԵՐԸ 

Կապան. քաղաք Հայաստանում, Սյունիքի մարզի մարզկենտրոնը։ 

2017թ․ նոյեմբերից, իր մեջ միավորելով տարածաշրջանի գյուղական համայնքները, դարձել է  Կապան խոշորացված համայնք, որի բնակչությունը 01.01.2020 թվականի դրությամբ կազմում է 45341 մարդ է։ 

Կապան խոշորացված համայնքի տարածքը̀ 79981.45 հա է， որից 4963.89 հա̀ Կապան քաղաքը:

Գտնվում է երկրի հարավ-արևելքում, Երևանից 320 կմ հարավ-արևելք, Ողջի գետի ափին, Խուստուփ լեռան հյուսիսային ստորոտին, 910 մ բարձրության վրա։ Գտնվում է ծովի մակարդակից 705-1050 մ /միջինը 910 մ/ բարձրությունների վրա։ Հարավից և հյուսիսից շրջափակված է  Մեղրու և Բարգուշատի լեռներով։ 

Պատմաաշխարհագրական ակնարկ

Իբրև բնակավայր՝ հայ պատմագրության մեջ Կապանը հիշատակվում է դեռես մեր թվարկության 5-րդ դարավերջից, որպես քաղաք՝ 10-րդ դարի վերջերից: Խորհրդային  շրջանում՝ 1938թ. ստացել է շրջանային ենթակայության քաղաքի կարգավիճակ, 1963-ին՝ հանրապետական ենթակայության, եղել է Ղափանի շրջանի շրջկենտրոնը: 

Կապանն ուներ դիրքային մի շարք առավելություններ։ Նրա արևմտյան կողմում գտնվող Բաղաբերդ և Բաղակու քար բերդերը ապահովում էին քաղաքի անվտանգությունն արևմտյան և հյուսիսարևմտյան կողմերից։ 

Հարավային կողմով ձգվում էին Արևիքի բարձրաբերձ և ժայռոտ լեռները, որոնք անմատչելի էին դարձնում քաղաքը հարավային կողմից։ Այս է եղել պատճառը, որ քաղաքը հարավային և հյուսիսային կողմերից հարկ չի եղել պարսպապատելու։ Համեմատաբար դյուրին էր քաղաք մտնել արևելյան կողմից, այդ պատճառով էլ քաղաքի այս մասը պարսպապատված է եղել։ 

1103 թվականին Կապանն ավերվել է սելջուկների կողմից։ Այնուհետև Կապանը մի քանի դար շարունակում է իր գոյությունը, բայց արդեն ոչ իբրեւ քաղաք, այլ սովորական բնակավայր։ Կապանի բնակչությունն ըստ երևույթին միատարր չի եղել, ունեցել է հրեաների հատուկ թաղ։

Հնամենի Կապանը 15-րդ դարի սկզբում ավերվեց, նրա անունը թուրքական աղավաղմամբ սկսեց արտասանվել Ղափան: Այդ Ղափան անունն էլ ժառանգեց 19-րդ դարի 50-ական թվականներին այսօրվա քաղաքի տարածքում ձևավորվող նոր բնակավայրը, իսկ Հայաստանի անկախացումից հետո քաղաքը կրկին վերականգնեց իր պատմական Կապան անունը։ 

Ներկայիս Կապան քաղաքը գտնվում է պատմական քաղաքից 10 կմ հարավարևելք՝ Ողջի գետի միջին հոսանքներում, նրա Վաչագան և Կավարտ վտակների աջափնյա ու ձախափնյա նեղ դարավանդներում, դրանց հարակից 30-40 աստիճան թեքության լեռնալանջերին, 700-1000մ բացարձակ բարձրությունների վրա: Տարածքի ընդհանուր թեքվածությունը արևմուտքից արևելք է:

«Կապան» անունը ծագում է «կապան» հասարակ անունից, որ նշանակում է «կիրճ, նեղ անցք երկու լեռների միջև», նաև՝ «կիրճի նեղ մասում եղած ամուր դուռ»:

Այսօրվա Կապանը կառուցվել է հանքարդյունաբերության շուրջ և դրա շնորհիվ, խորհրդային տարիներին արդյունաբերական կենտրոն էր: Ներկայումս ևս քաղաքի տնտեսության հիմնական ճյուղը հանքարդյունաբերությունն է: 

Բնակչություն

Կապանի ազգաբնակչության փոփոխությունը.

«ԿԱՊԱՆԻ ՊԱՏՎԱՎՈՐ ՔԱՂԱՔԱՑԻ» 
ԿՈՉՈՒՄՆ ՈՒՆԵՑՈՂ ԱՆՁԱՆՑ ՑԱՆԿ

ՀՀ Սյունիքի մարզի Կապանի համայնքապետարանի աշխատակազմի քաղաքացիական կացության ակտերի գրանցման տարածքային բաժինը աշխատակազմի առանձնացված ստորաբաժանում է, որը «Քաղաքացիական կացության ակտերի գրանցման մասին» ՀՀ օրենքի համաձայն իրականացնում է քաղաքացիական կացության ակտերի գրանցման գործառույթներ:

Բաժնի նպատակները և խնդիրներն են՝

1.Քաղաքացիական կացության ակտերի պետական գրանցումների իրականացումը օրենքով սահմանված կարգով և ժամկետներում

2.Տարածքային բաժնի արխիվի վարումը

3.Կատարված քաղաքացիական կացության ակտերի գրանցումների վերաբերյալ օրենսդրությամբ սահմանված կարգով տեղեկատվության տրամադրում

4.Օրենքով նախատեսված այլ նպատակներ և խնդիրներ:

Բաժինն իր նպատակների և խնդիրների իրականացման համար ՀՀ օրենքով սահմանված կարգով իրականացնում է հետևյալ գործառույթները.

1.Իրականացնում է քաղաքացիական կացության ակտերի հետևյալ պետական գրանցումները՝

•Ծնունդ,

•Ամուսնություն,

•Ամուսնալուծություն,

•Որդեգրում,

•Հայրություն որոշելը,

•Անվան փոխումը,

•Մահը։

2.Իրականացնում է քաղաքացիական կացության ակտերի գրառումների ուղղումներ, գրանցումներ կամ փոփոխություններ։

3.Իրականացնում է այդ գրանցումների չեղյալ հայտարարումը։

4.Իրականացնում է քաղաքացիական կացության ակտերի գրառումների վերականգնում։

5.Իրականացնում է քաղաքացիական կացության ակտերի մատյանների վարում։ 

6.Իրականացնում է վկայականների կրկնօրինակների ու քաղաքացիական ակտերի պետական գրանցումը հաստատող այլ փաստաթղթերի տրամադրում։

7.Իրականացնում է օրենքով նախատեսված այլ գործառույթներ:

    Հասցեն ՀՀ Սյունիքի մարզ, ք. Կապան, Մ. Ստեփանյան 1։

    Հեռ․՝ + 374 285 4 39 74։

Ներկայացվում է ՇՄԱԳ հանրային քննարկումների արձանագրությունները։

Կապանի մշակույթի կենտրոնը հիմնադրվել է 1977 թվականին: 

Կազմակերպության գործունեության նպատակն է աջակցել մշակույթի ոլորտում համայնքի կողմից իրականացվող քաղաքականությանը, նպաստել մշակույթի բնագավառում տեղական ինքնակառավարման մարմիններին վերապահած լիազորությունների իրականացմանը, ինչպես նաև մշակութային արժեքների պահպանմանը, զարգացմանը և տարածմանը:

«Մշակույթի կենտրոն» ՀՈԱԿ-ն իրականացնում է գործունեության հետևյալ տեսակները.

1.Կազմակերպում է ՀՀ տոների և հիշատակի օրերի հետ կապված միջոցառումներ, անց է կացնում մասսայական տոնակատարություններ, փառատոններ, համերգներ, շնորհանդեսներ, մեծարման երեկոներ, կինոդիտումներ, մշակութային և բարեգործական միջոցառումներ և այլն:

2.Աջակցում է ազգային արհեստների, ժողովրդական ստեղծագործության և գեղարվեստական ինքնագործության զարգացմանը, նպաստում է ազգային ծեսերի վերականգնմանն ու տարածմանը:

3.Նպաստավոր պայմաններ է ստեղծում համայնքի բնակիչների մշակութային ժամանցի կազմակերպան համար, ստեղծագործական և մշակութային խմբակների միջոցով կազմակերպում է համայնքի բնակիչների հանգիստը, նպաստում նրանց ընդգրկմանը համայնքի սոցիալ-մշկութային կյանքում:

4.Աջակցում է համայնքի տարածքում բնակվող ստեղծագործող և տաղանդավոր անհատների բացահայտմանը:

Կենտրոնում գործում են պարի / ընդունելությունը 4 տարեկանից /, հարվածային գործիքների / ընդունելությունը 10 տարեկանից /, վոկալի / ընդունելությունը 8-13 տարեկանից / և կիթառի / ընդունելությունը 10 տարեկանից / խմբակներ:

Կապանի մշակույթի կենտրոն ՀՈԱԿ-ի 2020 թվականի բյուջեն կազմում է 91 447 000 ՀՀ դրամ։ 

Հասցեն ՀՀ Սյունիքի մարզ, ք. Կապան, Չարենցի 1 

Հեռ.: 0285-4-20-02

Կապանի մանկական կենտրոնը ստեղծվել է Հայաստանի Հանրապետության Սյունիքի մարզի Կապան համայնքի ղեկավարի 12.04.2011թ. թիվ 245 և Կապան համայնքի ավագանու 12.05.2011թ. թիվ 32-Ա որոշումների համաձայն:

Հաստատության գործունեության առարկան և նպատակը մինչև 18 /տասնութ/ տարեկան՝ կյանքի դժվարին իրավիճակներում գտնվող երեխաների սոցիալ-հոգեբանական, մանկավարժական, իրավական պաշտպանության աջակցության ծրագրերի իրականացումն է:

Հաստատությունը հետապնդում է սոցիալական, բարեգործական, մշակութային, կրթական և այլ հանրօգուտ նպատակներ:

Մանկական կենտրոնի նպատակն է՝

•Համագործակցելով պետական լիազոր մարմինների հետ՝ նպաստել համայնքի՝ մինչև տասնութ տարեկան երեխաների առողջ զարգացմանը և բարեկեցությանը՝ երեխաների իրավունքները պաշտպանելու, ընտանիքներն ուժեղացնելու, համայնքային ռեսուրսները համախմբելու միջոցով

•Համագործակցելով երեխաների հիմնախնդիրների լուծման իրավասություն ունեցող պետական մարմինների, հասարակական կազմակերպությունների և քաղաքացիների հետ՝ հայտնաբերել կյանքի դժվարին իրավիճակներում գտնվող երեխաներին:

Հաստատության շահառուներն են՝ կյանքի դժվարին իրավիճակներում գտնվող երեխաները, ծնողները /օրինական ներկայացուցիչները/:

Հաստատությունում աշխատանքների կազմակերպումն իրականացվում է երեխաների կարիքների և հնարավորությունների առանձնահատկությունների հիման վրա կազմված բազմամասնագիտական ծրագրերով:

Կապանի մանկապատանեկան ստեղծագործության կենտրոն ՀՈԱԿ-ի 2020 թվականի բյուջեն կազմում է 25 818 000 ՀՀ դրամ։ 

Կապան քաղաքի մանկական կենտրոն ՀՈԱԿ-ի 2020 թվականի բյուջեն կազմում է 19 964 500 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մինասյան 4ա

Հեռ.: 098-108-222 

Կապանի մանկապատանեկան ստեղծագործության կենտրոնը հիմնադրվել է 1976 թվականին:

Կենտրոնում գործում են պարի, անգլերենի, ռուսերենի, ձեռագործության, թատերական, շախմատի, նկարչության, երգի, սինթեզի խմբակներ: Խմբակները նախատեսված են 6-18 տարեկան երեխաների համար:

2020 թվականի հունվարի 1-ի դրությամբ կենտրոնն ունի 167 սան։ 

Կենտրոնի գործունեության առարկան և նպատակները սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելն է, նրանց հոգևոր, ստեղծագործական ունակությունների գեղագիտական, ֆիզիկական զարգացումը, ռազմահայրենասիրական ու կիրառական գիտելիքների ձևավորումը, մայրենի և օտար լեզուներով հաղորդակցվելու հնարավորությունը, հայրենի երկրի, նրա բնության և պատմության, ազգային մշակույթի հետ ծանոթացումը: Կենտրոնն ապահովում է դպրոցականների նախասիրությունների, ունակությունների զարգացումը, երեխաների առողջության պահպանումն ու ամրապնդումը և վարքի շեղումների կանխարգելումը: Կենտրոնի գործունեությունը հիմնվում է ժողովրդավարության և մարդասիրության, հանրամատչելիության, ազգային և համամարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա:

Կենտրոնի նպատակն է՝

1.մինչև 18 տարեկան երեխաներին հաղորդել գիտելիքներ՝ ձևավորելով ունակություններ

2.մասնագիտական կողմնորոշման համար ստեղծել նպաստավոր պայմաններ

3.սովորողների հանգստի և ժամանցի համար կազմակերպել արդյունավետ պայմաններ

4.ամրապնդել և խորացնել դպրոցում ստացած գիտելիքները, ամրապնդել սովորողների տեսական գիտելիքների և գործնական ունակությունների փոխադարձ կապը, զարգացնել նրանց կարողություններ ու հմտությունները

5.համակողմանիորեն և ներդաշնակ զարգացած, հայրենասիրության, պետականության և մարդասիրության ոգով դաստիարակված անձի ձևավորումը:

Հասցեն ՀՀ Սյունիքի մարզ, ք. Կապան, Ռ. Մելիքյան 8

Հեռ.: 0285-4-43-51

ՀՀ Սյունիքի մարզի Կապան քաղաքի մանկական գեղարվեստի դպրոցը  հիմնադրվել  է 1972 թվականին ։

Հաստատության գործունեության առարկան և նպատակը սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելն է, նրանց հոգևոր, ստեղծագործական ունակությունները, գեղագիտական, ֆիզիկական զարգացումը, ռազմահայրենասիրական դաստիարակությունը և բնապահպանական ու կիրառական գիտելիքների ձևավորումը:

Հաստատությունն ապահովում է դպրոցականների նախասիրությունների, ունակությունների զարգացումը, երեխաների առողջության պահպանումն ու ամրապնդումը և վարքի շեղումների կանխարգելումը:

Հաստատության գործունեությունը հիմնվում է ժողովրդավարության և մարդասիրության, հանրամատչելիության, ազգային ու համամարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա:

Հաստատությունն իր ուղղությանն համապատասխան իրականացնում է կրթադաստիարակչական ծրագրեր:

Հաստատությունում ուսումնադաստիարակչական աշխատանքները կազմակերպվում են ուսումնական պլանների, ուսումնական ծրագրերի և ժամանակացույցին համապատասխան՝ հաշվի առնելով սաների հետաքրքրություններն ու հակումները, ընտանիքի և կրթական համակարգի պահանջները:

Գեղարվեստի դպրոցը իր ամբողջ պատմության ընթացքում ունեցել է բազմաթիվ միջազգային, հանրապետական, մարզային և քաղաքային հաջողություններ։

Հաստատությունում գործում է կերպարվեստի բաժին:

2020 թվականի հունվարի 1-ի դրությամբ գեղարվեստի դպրոցն ունի 49 սան։ 

Կապանի գեղարվեստի մանկական դպրոց ՀՈԱԿ-ի 2020 թվականի բյուջեն կազմում է 13 072 000 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մինասյան 18

Հեռ.: 0285 4 43 06

ՀՀ Սյունիքի մարզի Կապան քաղաքի արվեստի դպրոցը հիմնադրվել է 1981 թվականին:

Հաստատության գործունեության առարկան և նպատակը սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելն է, նրանց հոգևոր, ստեղծագործական ունակությունները, գեղագիտական, ֆիզիկական զարգացումը, ռազմահայրենասիրական դաստիարակությունը և բնապահպանական ու կիրառական գիտելիքների ձևավորումը:

Հաստատությունն ապահովում է դպրոցականների նախասիրությունների, ունակությունների զարգացումը, երեխաների առողջության պահպանումն ու ամրապնդումը և վարքի շեղումների կանխարգելումը:

Հաստատության գործունեությունը հիմնվում է ժողովրդավարության և մարդասիրության, հանրամատչելիության, ազգային ու համամարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա:

Հաստատությունն իր ուղղությանն համապատասխան իրականացնում է կրթադաստիարակչական ծրագրեր:

Հաստատությունում ուսումնադաստիարակաչական աշխատանքները կազմակերպվում են ուսումնական պլանների, ուսումնական ծրագրերի և ժամանակացույցին համապատասխան՝ հաշվի առնելով սաների հետաքրքրություններն ու հակումները, ընտանիքի և կրթական համակարգի պահանջները:

Արվեստի դպրոցը իր ամբողջ պատմության ընթացքում ունեցել է բազմաթիվ միջազգային, հանրապետական, մարզային և քաղաքային հաջողություններ ։

Հաստատությունում գործում են կերպարվեստի, թատերարվեստի, պարարվեստի խմբեր, ինչպես նաև լարային /ջութակ/, վոկալ, փողային /կլառնետ, շեփոր/, ազգային նվագարաններ /քանոն, շվի, դհոլ/ բաժիններ:

2020 թվականի հունվարի 1-ի դրությամբ արվեստի դպրոցն ունի 220 սան։ 

Կապանի արվեստի մանկական դպրոց ՀՈԱԿ-ի 2020 թվականի բյուջեն կազմում է 36 863 800 ՀՀ դրամ։ 

Հասցեն ՀՀ Սյունիքի մարզ, ք. Կապան, Թումանյան 14

Հեռ.: 0285 4 10 10

1952 թվականի հոկտեմբերի 6-ին կուլտուրայի մինիստրության արվեստի գործերի վարչության պետ Խանջյանի կարգադրությամբ թիվ 422 հրամանով Ղափան քաղաքում բացվեց երաժշտական դպրոց: Այն ստեղծվեց շատ դժվարին պայմաններում: Դպրոցն ուներ ընդամենը մեկ գործիք՝ դաշնամուր, որը տրամադրել էր Գեղանուշի որբանոցի տնօրեն՝ Ա. Գ. Էլչյանը: Նորաբաց դպրոցի տնօրեն նշանակվեց Երևանի Կոմիտասի անվան պետական կոնսերվատորիայի շրջանավարտ, կլարնետահար՝ Թորոս Լավչյանը:

Առաջին դաշնամուրի դասատուն էր Ռոմանոս Մելիքյանի անվան երաժշտական ուսումնարանի շրջանավարտ Էլեոնորա Կարապետյանը: Երաժշտական դպրոցի բացումը մեծ իրադարձություն էր ամբողջ Զանգեզուրի համար, քանի որ այն սկիզբ դրեց մեր մանուկների պրոֆեսիոնալ երաժշտական դաստիարակության կարևորագույն գործին:

Այս տարիների ընթացքում այն տվել է 3000-ից ավել շրջանավարտ, որոնք իրենց ստեղծագործական գործունեությամբ կարևոր դեր են խաղում հանրապետության երաժշտական աշխարհում:

Դպրոցի ստեղծման օրվանից կարևոր դեր է խաղացել երգչախումբը: Կոմիտասի 100-ամյակին նվիրված մրցույթում այն արժանացել է 3-րդ կարգի մրցանակի, իսկ 1996 թվականին կազմակերպված <<Իմ անկախ հանրապետությունը 5 տարեկան է>> մանկապատանեկան փառատոնում՝ ճանաչվել հաղթող:

Այսօր էլ դպրոցի սաները մշտապես մասնակցում են մրցույթ-փառատոնների և վերադառնում դափնեկիրների կոչումներով և տարբեր մրցանակներով:

Դպրոցի մանկավարժական կոլեկտիվը ջանք ու եռանդ չի խնայում կրկնապատկելու դպրոցի հաջողությունները:

Հաստատության գործունեության նպատակը հանդիսանում է սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծել, ձևավորել նրանց նրանց հոգևոր, ստեղծագործական ունակությունները, գեղագիտական զարգացումը, ռազմահայրենասիրական դաստիարակությունըև բնապահպանական ու կիրառական գիտելիքները: Աշակերտների մոտ սեր առաջացնել դեպի դասական և ժողովրդական երաժշտությունը, ձևավորել երաժշտական բարձր ճաշակ, զերծ պահել նրանց անճաշակ երաժշտությունից: Լավագույն աշակերտներին ճիշտ ուղվածություն տալ և կողմնորոշել մասնագիտության ընտրության հարցում, այդ աշակերտներին ոգևորել ուսումը շարունակելու արվեստի միջին մասնագիտական և բարձրագույն ուսումնական հաստատություններում, ինչպես նաև մեր պետության համար դաստիարակել գրագետ ունկնդիրներ, երաժիշտ կատարողներ և բազմակողմանի գիտելիքներով զարգացած քաղաքացիներ:

Դպրոցում գործում են դաշնամուրային, լարային /ջութակ/, վոկալ, փողային /կլառնետ, շեփոր/, ազգային նվագարաններ /քանոն, շվի, դհոլ/ և տեսական առարկայական բաժիններ:

2020 թվականի հունվարի 1-ի դրությամբ երաժշտական դպրոցն ունի 281 սան։ 

Դպրոցն ունեցել է նշանավոր և հանրաճանաչ շրջանավարտներ, ովքեր իրենց ավանդն են ներդրել դպրոցի և հայ մշակույթի զարգացման գործում:

Կապանի Արամ Խաչատրյանի անվան թիվ 1 երաժշտական դպրոց ՀՈԱԿ-ի 2020 թվականի բյութեն կազմում է 74 352 300 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մելիքյան 2

Հեռ.: 0285 4 26 56

Կապանի թիվ 2 երաժշտական դպրոցը հիմնադրվել է 1977 թվականի  հունիսին: Դպրոցը հիմնադրման օրվանից աչքի է ընկել իր բազմաբնույթ միջոցառումներով,որը նպաստում է  երեխաների  գեղագիտական  դաստիարակությանը:

Դպրոցում հիմնադրման տարիներից գործում էին քանոնահարների անսամբլ, վոկալ գործիքային  անսամբլ, ջութակահարների անսամբլ, փողային նվագախումբ և տարբեր կազմերի երգչախմբեր /մանկական  երկսեռ, արական, մանակավարժական/: Այժմ հաստատությունում գործում են մանկական և մանկավարժական երգչախմբեր, ժողովրդական նվագարանների անսամբլ, փողային նվագախումբ:

2020 թվականի հունվարի 1-ի դրությամբ երաժշտական դպրոցն ունի 165 սան։ 

Հաստատությունն իր ուսումնադաստիարակչական աշխատանքները կազմակերպում է ուսումնական պլանների, ուսումնական ծրագրերի և ժամանակացույցի համապատասխան:

Հաստատության նպատակն է իրականացնել կրթական և մշակութային գործունեություն, զարգացնել սաների ստեղծագործական ունակությունները, ապահովել նրանց հոգևոր, գեղագիտական դաստիարակությունը՝ հաշվի առնելով նրանց պահանջմունքները, հետաքրքրությունները, հակումներն ու ընդունակությունները:

Հաստատությունը ապահովում է ուսումնական պլանների և ծրագրերի իրականացումը, մանկավարժական փորձի առաջավոր մեթոդների համակողմանի և համալիր ուսուցումը, աշակերտների աշխարհայացքի ձևավորումը:

Դպրոցն իր հիմնադրման օրվանից  ակտիվորեն մասնակցում է հանրապետական և միջազգային մրցույթ փառատոններին և ունի բազմաթիվ մրցանակներ: 

Կապանում առաջին  անգամ երկրորդ երաժշտական դպրոցում աշակերտների և դասատուների   մասնակցությամբ   բեմադրվեց << Երգ  անտառում>>, <<Չարի  վերջը>> մանկական   օպերաները:  

Դպրոցն ունեցել է հազարից ավելի   շրջանավարտներ ,  որոնցից  շատերը շարունակել են իրենց  ուսումը Երևանի Կոմիտասի անվան կոնսերվատորիայում և այսօր աշխատում են ՀՀ տարբեր  մարզերում:

Կապանի իթվ 2 երաժշտական դպրոց ՀՈԱԿ-ի 2020 թվականի բյուջեն կազմում է 45 580 500 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մինասյան 18

Հեռ.: 0285 4 22 09

Կապան քաղաքի թիվ 3 երաժշտական դպրոցը հիմնադրվել է Կապանի թիվ 1 երաժշտական դպրոցի բազայի հիման վրա 1986 թվականին՝ որպես առանձին հաստատություն:

Հաստատությունն իր ուսումնադաստիարակչական աշխատանքները կազմակերպում է ուսումնական պլանների, ուսումնական ծրագրերի և ժամանակացույցի համապատասխան:

Հաստատության նպատակն է իրականացնել կրթական և մշակութային գործունեություն, զարգացնել սաների ստեղծագործական ունակությունները, ապահովել նրանց հոգևոր, գեղագիտական դաստիարակությունը՝ հաշվի առնելով նրանց պահանջմունքները, հետաքրքրությունները, հակումներն ու ընդունակությունները:

Հաստատությունը ապահովում է ուսումնական պլանների և ծրագրերի իրականացումը, մանկավարժական փորձի առաջավոր մեթոդների համակողմանի և համալիր ուսուցումը, աշակերտների աշխարհայացքի ձևավորումը:

Հաստատությունում գործում են դաշնամուրային, լարային, երգեցողության, փողային բաժնից՝ կլառնետի, շեփորի և ֆլեյտայի դասարաններ, ժող. գործիքների բաժնից՝ շվիի, քանոնի, դհոլի դասարաններ:

2020 թվականի հունվարի 1-ի դրությամբ երաժշտական դպրոցն ունի 99 սան։

Իր ամբողջ գործունեության ընթացքում հաստատության սաները մասնակցել են տարբեր տեսակի քաղաքային, մարզային, հանրապետական մրցույթ փառատոնների և արժանացել են տարբեր մրցանակաների:

Կապանի իթվ 3 երաժշտական դպրոց ՀՈԱԿ-ի 2020 թվականի բյուջեն կազմում է 31 359 200 ՀՀ դրամ։ 

Հասցեն ՀՀ Սյունիքի մարզ, ք. Կապան, Ձորք 20

Հեռ.: 0285 5 42 32

Կապանի մանկապատանեկան մարզադպրոցը հիմնադրվել է 1949 թվականին: 2010 թվականին այն վերանվանվել է Դավիթ Համբարձումյանի անունով: 

Մարզադպրոցը նպաստում է մինչև 18 տարեկան մանուկների և պատանիների բազմակողմանի զարգացմանը, ֆիզիկական կուլտուրայի և սպորտի զարգացմանն ու մասսայականացմանը: Հաստատության գործունեության առարկան և նպատակը համապատասխան ուսումնական ծրագրերի իրականացումն է, սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելը, նրանց հոգևոր, ստեղծագործական ունակությունների գեղագիտական, ֆիզիկական զարգացումը, ռազմահայրենասիրական դաստիարակությունը: Հաստատության գործունեությունը հիմնվում է ժողովրդավարության և մարդասիրության, հանրամատչելիության, ազգային ու մարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա: Հաստատությունում ուսումնադաստիարակչական աշխատանքները կազմակերպվում են առանձին մարզաձևերի ուսումնական պահանջներին և ժամանակացույցին համապատասխան: Հաստատությունը մշակում է գործունեության իր ծրագրերը՝ հաշվի առնելով սաների հետաքրքրություններն ու հակումները, ընտանիքի և կրթական համակարգի պահանջները:

 Մարզադպրոցում գործում են հետևյալ մարզաձևերը. բասկետբոլ, վոլեյբոլ, սեղանի թենիս, ծանրամարտ, ձյուդո, ֆուտզալ, բռնցքամարտ: Կարող են դիմել սկսած 7-8 տարեկան  երեխաները: 

2020 թվականի հունվարի 1-ի դրությամբ մարզադպրոցն ունի 141 սան։ 

Ծանրամարտ մարզաձևից հաստատությունն ունի Եվրոպայի պատանիների առաջնության մասնակից, ՀՀ պատանիների և մեծահասակների առաջնությանը մասնակցած սաներ, ովքեր գրավել են պատվավոր տեղեր: Բասկետբոլի թիմը 1989թ-ին մտավ բարձրագույն խումբ: Բասկետբոլի պատանիների  թիմը 2004 թ-ին գրավել է 1-ին տեղը ՀՀ պատանիների  առաջնությունում: Վոլեյբոլի թիմը 2017, 2018 թ-ին ՀՀ եզրափակիչ առաջնության մրցումներում գրավել է 3, 4-րդ տեղերը: 

Կապանի Դավիթ Համբարձումյանի անվան մանկապատանեկան մարզադպրոց ՀՈԱԿ-ի 2020 թվականի բյուջեն կազմում է 23 771 400 ՀՀ դրամ։ 

Հասցեն ՀՀ Սյունիքի մարզ, ք. Կապան, Մ. Պապյան 1ա

Հեռ.: 0285 4 48 05

Մարզադպրոցը նպաստում է մինչև 18 տարեկան մանուկների և պատանիների բազմակողմանի զարգացմանը, ֆիզիկական կուլտուրայի և սպորտի զարգացմանն ու մասսայականացմանը: Հաստատության գործունեության առարկան և նպատակը համապատասխան ուսումնական ծրագրերի իրականացումն է, սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելը, նրանց հոգևոր, ստեղծագործական ունակությունների գեղագիտական, ֆիզիկական զարգացումը, ռազմահայրենասիրական դաստիարակությունը: Հաստատության գործունեությունը հիմնվում է ժողովրդավարության և մարդասիրության, հանրամատչելիության, ազգային ու մարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա: Հաստատությունում ուսումնադաստիարակչական աշխատանքները կազմակերպվում են առանձին մարզաձևերի ուսումնական պահանջներին և ժամանակացույցին համապատասխան: Հաստատությունը մշակում է գործունեության իր ծրագրերը՝ հաշվի առնելով սաների հետաքրքրություններն ու հակումները, ընտանիքի և կրթական համակարգի պահանջները: 1989 թվականի հոկտեմբերի 2-ին Կապան քաղաքում կոմիտեին կից բացվել է աթլետիկայի մասնագիտացված մանկապատանեկան մարզադպրոցը, որը խթան է հանդիսացել քաղաքում մարզաձևի մասսայականացմանը և որն առ այսօր միակն է Սյունիքի մարզում:  Կապան քաղաքում մարզադաշտի կառուցման օրվանից առ այսօր՝ շուրջ 60 տարի անընդմեջ, Հայաստանի Հանրապետության հավաքականը համալրվել է աթլետներով:  Այդ ընթացքում Կապանի աթլետները սահմանել են Հայաստանի Հանրապետության բազմաթիվ ռեկորդներ, որոնցից 3-ը պահպանվում են մինչ այսօր: Դա է եղել պատճառը, որ 1981 թվականին Հայաստանի Հանրապետությունում առաջինը ռետինապատվել է Կապանի քաղաքային մարզադաշտը: Մարզադպրոցը իր բեղուն գործունեության ընթացքում տվել է ՍՍՀՄ պատանիների չեմպիոն, ԱՊՀ ժողովուրդների սպարդակիադայի չեմպիոն, Եվրոպայի չեմպիոն (Լևոն Աղասյանը 2013թ.) մրցանակակիրներ և բազմաթիվ միջազգային մրցումների չեմպիոններ:  Մարզադպրոցի սաները մրցումների են մասնակցել աշխարհի 60 պետություններում, 150 և ավելի քաղաքներում:  Բազմիցս մարզադպրոցի շնորհալի մարզիկների շնորհիվ Հայաստանի Հանրապետությունը ներկայացրել են Աշխարհի և Եվրոպայի առաջնություններում:  Այսօր էլ մարզադպրոցում կան շնորհալի աթլետներ, ովքեր բարձր են պահում Կապան քաղաքի և Հայաստանի Հանրապետության պատիվը Եվրոպայի, Աշխարհի առաջնություններում և օլիմպիական խաղերում:

 2020 թվականի հունվարի 1-ի դրությամբ մարզադպրոցն ունի 130 սան։ 

Կապանի աթլետիկայի մասնագիտացված մանկապատանեկան մարզադպրոց ՀՈԱԿ-ի 2020 թվականի բյուջեն կազմում է 27 981 500 ՀՀ դրամ։

Հասցեն ՀՀ Սյունիքի մարզ, ք. Կապան, Մ. Պապյան 1ա Հեռ.: 0285 4 44 13

Մարմնամարզության    մանկապատանեկան   մարզադպրոցը   գործում   է   1977 թվականից:

Հաստատության գործունեության առարկան և նպատակը համապատասխան ուսումնական ծրագրերի իրականացումն է, սովորողների ազատ ժամանցի կազմակերպման միջոցով նրանց հետաքրքրությունների զարգացման համար պայմաններ ստեղծելը, նրանց հոգևոր, ստեղծագործական ունակությունների գեղագիտական, ֆիզիկական զարգացումը, ռազմահայրենասիրական դաստիարակությունը: Հաստատության գործունեությունը հիմնվում է ժողովրդավարության և մարդասիրության, հանրամատչելիության, ազգային ու մարդկային արժեքների զուգորդման, անձի ազատ զարգացման, ինքնավարության և կրթության աշխարհիկ բնույթի սկզբունքների վրա: Հաստատությունում ուսումնադաստիարակչական աշխատանքները կազմակերպվում են առանձին մարզաձևերի ուսումնական պահանջներին և ժամանակացույցին համապատասխան: Հաստատությունը մշակում է գործունեության իր ծրագրերը՝ հաշվի առնելով սաների հետաքրքրություններն ու հակումները, ընտանիքի և կրթական համակարգի պահանջները:

Մարզադպրոցում     գործում    է     սպորտային    ակրոբատիկա,  գեղարվեստական  մարմնամարզության    խմբեր: 

Մարզադպրոցի սաները մասնակցել են   Հայաստանի Հանրապետության   առաջնություններին և  ունեցել՝  I,  II, III  մրցանակակիրներ  և   հանրապետության   բազմակի  չեմպիոն: Ակրոբատիկա ձևից մասնակցել են նաև Եվրոպայի և աշխարհի առաջնություններին:

Մարզադպրոց   կարող  են  հաճախել   5 տարեկանից:

2020 թվականի հունվարի 1-ի դրությամբ մարզադպրոցն ունի 235 սան։ 

Կապանի մարմնամարզության մանկապատանեկան մարզադպրոց ՀՈԱԿ-ի 2020 թվականի բյուջեն կազմում է 28 407 200 ՀՀ դրամ։ 

Հասցեն ՀՀ Սյունիքի մարզ, ք. Կապան, Թումանյան 10

Հեռ.: 0285 4 40 38

«ԿԱՊԱՆԻ ԱՐՎԵՍՏԻ ԹԱՆԳԱՐԱՆ» համայնքային ոչ առևտրային կազմակերպությունը շահույթ ստանալու նպատակ չհետապնդվող, իրավաբանական անձի կարգավիճակ ունեցող համայնքային ոչ առևտրային կազմակերպություն է:

Կազմակերպությունը ստեղծվել է Հայաստանի Հանրապետության Սյունիքի մարզի Կապան համայնքի ավագանու 2019 թվականի մարտի 29-ի թիվ 11-Ա որոշման հիման վրա:

Կազմակերպության գործունեութան առարկան և նպատակը մշակութային բնույթի գործունեության իրականացումն է, ինչպես նաև մշակութային արժեքների և առարկանների պահպանումը, ստեղծումը, տարածումը, մեկնաբանումը, մշակութային ծառայությունների մատուցումը:

«ԿԱՊԱՆԻ ԱՐՎԵՍՏԻ ԹԱՆԳԱՐԱՆ» ՀՈԱԿ-ը զբաղվում է գործունեության հետևյալ տեսակներով՝

•Արվեստի քարոզում,

•Կերպարվեստի տեսակների մատուցում,

•Ցուցահանդեսների, ներկայացումների, մշակութային այլ միջոցառումների իրականացում,

•Դասախոսություններ կերպարվեստի և արվեստի մասին,

•Թանգարանային գիշեր և թանգարանների միջազգային օր մշակութային միջոցառումնների իրականացում։ 

«Կապանի արվեստի թանգարան» ՀՈԱԿ-ի 2020 թվականի բյուջեն կազմում է 2 649 600 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մելիքյան 8։

Հեռ․՝ + 374 93 75 22 35, +374 91 75 22 35։

ՀՀ Սյունիքի մարզի Կապան քաղաքի Ակումբագրադարանային միավորում համայնքային ոչ առևտրային կազմակերպությունը համարվում է շահույթ ստանալու նպատակ չհետապնդող, իրավաբանական անձի կարգավիճակ ունեցող ոչ առևտրային կրթական և մշակութային կազմակերպություն:

Կազմակերպությունը ստեղծվել է ՀՀ Սյունիքի մարզի Կապանի քաղաքապետի 25.11.2009թ. թիվ 783 և Կապան քաղաքային համայնքի ավագանու 30.11.2009թ. թիվ 85Ա որոշումների համաձայն Կապանի քաղաքապետարանի «Գրադարանների միավորում» հիմնարկի վերակազմավորման ճանապարհով վերակազմակերպման արդյունքում և հանդիսանում է նրա իրավահաջորդը:

Կազմակերպությունը հանդիսանում է ՀՀ Սյունիքի մարզի Կապան քաղաքի Շմավոն Մովսիսյանի անվան պատմության թանգարան համայնքային ոչ առևտրային կազմակերպության /գտնվելու վայրը՝ ՀՀ Սյունիքի մարզ, ք. Կապան, Գ. Նժդեհ 24/41, հեռ.: +374 285 4 05 91/ իրավահաջորդը՝ փոխանցման ակտին համապատասխան /միացում/:

Կազմակերպության ստեղծման նպատակն է ՀՀ Սյունիքի մարզի Կապան քաղաքում գրադարանային, տեղեկատվական-մատենագիտական և մշակութային միջոցառումների կազմակերպման գործունեության իրականացումը:

Կազմակերպությունը բնակչության ակտիվ հանգստի, հոգևոր զարգացման, հաղորդակցման կենտրոն է, որի հիմնական խնդիրն է հանգստի ոլորտում բնակչության մշակութային հետաքրքրությունների և հոգևոր պահանջմունքների ձևավորումն ու բավարարումը, նախաձեռնության զարգացումն ու ստեղծագործական կարողության իրացումը:

Կազմակերպության կողմից իրականացվող ձեռնարկատիրական գործունեության տեսակներն են.

•Գրադարանային, տեղեկատվական-մատենագիտական սպասարկման կազմակերպում։

•Տոնահանդեսների, մշակութա-մասսայական միջոցառումների կազմակերպում

•Կինոցուցադրումների, ցուցահանդեսների կազմակերպում։

•Տեխնիկական և մատենագիտական կրթության կազմակերպում միջնակարգ կրթության հիման վրա։

•Քաղաքացիական հասարակություն ձևավորելուն ուղղված, սոցիալական և այլ ծրագրերի իրականացում։

«Ակումբագրադարանային միավորում» ՀՈԱԿ-ի 2020 թվականի բյուջեն կազմում է 71 555 000 ՀՀ դրամ։ 

Հասցեն ՀՀ Սյունիքի մարզ, ք. Կապան, Չարենցի փողոց 2։

Հեռ․՝ + 374 285 4 02 10։

ՀՀ Սյունիքի մարզի Կապան քաղաքի կոմունալ ծառայություն համայնքային ոչ առևտրային կազմակերպությունը շահույթ ստանալու նպատակ չհետապնդող, իրավաբանական անձի կարգավիճակ ունեցող համայնքային ոչ առևտրային կազմակերպություն է:

Կազմակերպության գործունեության նպատակն է.

•Նպաստել կոմունալ տնտեսության բնագավառում տեղական ինքնակառվարման մարմիններին վերապահված լիազորությունների իրականացմանը։

Կազմակերպությունն իրականացնում է գործունեության հետևյալ տեսակները.

1.Համայնքի տարածքում աղբահանության և սանիտարական մաքրման աշխատանքների իրականացում։

2.Համայնքի սեփականություն համարվող ներհամայնքային հաղորդակցության ուղիների, ճանապարհների, ջրմուղի, կոյուղու, փողոցային լուսավորության, ոռոգման ու ջեռուցման ցանցերի և այլ կառուցվածքների շահագործման կազմակերպում։

3.Համայնքի բնակավայրերի բարեկարգման և կանաչապատման աշխատանքների կազմակերպում։

4.Հուշարձանների, հուշահամալիրների և գերեզմանների պահպանության և խնամքի աշխատանքների, գերեզմանատների գործունեության կազմակերպում։

5.Համայնքի տարածքում գտնվող զբոսայգիների և հանգստի գոտիների խնամք և պահպանություն։

6.Համայնքի վարչական սահմաններում ընդգրկված բնակֆոբդում, հասարակական և արտադրական նշանակության համայնքային սեփականություն համարվող օբյեկտներում և ոչ բնակելի տարածքներում կոմունալ սպասարկման համակարգում ծագած վթարների հետևանքների վերացում։

7.Անհաղթահարելի ուժի հետևանքով բնակչությանը պատճառված վնասների վերացման ուղղությամբ աշխատանքների կատարում։

8.Բնակչության առանձին սոցիալական խմբերի գույքի վերանորոգման /վերականգնման/ առաջին օգնության տրամադրում։

9.Հիմնադրի որոշմամբ և սահմանված սակագներով կարող է մատուցել վճարովի ծառայություններ։

«Կապանի կոմունալ ծառայություն» ՀՈԱԿ-ի 2020 թվականի բյուջեն կազմում է 382 698 000 ՀՀ դրամ։ 

Հասցեն ՀՀ Սյունիքի մարզ, ք. Կապան, Գործարանային փողոց 15։

Հեռ․՝ + 374 285 4 23 55։

«Կապանի  Վ․ Սարգսյանի անվան մանկական զբոսայգին» հիմնադրվել է 1978 թվականին։ 

Կազմակերպության գործունեության նպատակն է.

.  զբոսայգու տարածքում բնակչության հանգստի և ժամանցի կազմակերպումը: Հաստատությունն իրականացնում է գործունեության հետևյալ տեսակները.

1.Կազմակերպում է մանկական զբոսայգու ատրակցիոնների աշխատանքները

2.Կազմակերպում է մասսայական միջոցառումներ, համերգներ և այլն

3.Նպաստավոր պայմաններ է ստեղծում համայնքի բնակիչների մշակութային ժամանցի և ակտիվ հանգստի կազմակերպման համար

4.Հիմնադրի որոշմամբ և սահմանված սակագներով կարող է մատուցել վճարովի ծառայություններ:

 Զբոսայգուն  են պատկանում թվով 6 ատրակցիոններ, որոնցից 5-ը սովետական արտադրության է, իսկ 1-ը (փչովի բատուտ) ձեռք է բերվել 2019թ-ի հուլիս ամսին։ Ապրիլ և մայիս ամիսներին կապիտալ վերանորգվեցին բոլոր  սովետական արտադրության ատրակցիոնները։ Զբոսայգու տարածքում կատարվել են լուսավորության բարեկարգում, տեղադրվել են ավելի քան 3 տասնյակ LED գերխնայող լուսարձակներ համայնքային և դրամաշնորհային ծրագրերի միջոցներով։ Տեղադրվել են նոր և ավելի հարմարավետ նստարաններ ամբողջ զբոսայգու տարածքում։ Ձեռք է բերեվել նաև մեքենաների մուտքը զբոսայգու տարածք արգելող էլեկտրական արգելափակոց։ 

 2019թ-ին հիմնավերանորոգվել և վերագործարկվել է զբոսայգու տարածքում գտնվող քաղաքային զուգարանը։ Կոսմետիկ վերանորոգվել է նաև զբոսայգու ամառային դահլիճը։ 

«Կապանի Վ․ Սարգսյանի անվան մանկական զբոսայգի» ՀՈԱԿ-ի 2020 թվականի բյուջեն կազմում է 11 850 700 ՀՀ դրամ։  

Հասցեն` ՀՀ Սյունիքի մարզ, ք. Կապան, Արամ Մանուկյան փողոց 1:

Կազմակերպությունը գործունեություն է սկսել ծավալել 2019 թվականից:

Կազմակերպության գործունեության նպատակն է.

. նպաստել կոմունալ տնտեսության բնագավառում տեղական ինքնակառավարման մարմիններին վերապահված լիազորությունների իրականացմանը։

 Կազմակերպությունն իրականացնում է գործունեության հետևյալ տեսակները

ա) համայնքի տարածքում կենցաղային աղբից պլաստիկ թափոնների առանձնացման և տեսակավորման աշխատանքների իրականացում,

բ) Կոշտ կենցաղային թափոններից առանձնացված պլաստիկ հումքի վերամշակման եղանակով  շինանյութերի, գյուղատնտեսական նշանակության, լայն սպառման կենցաղային և այլ ապրանքատեսակների արտադրություն,

գ) Հիմնադրի որոշմամբ և սահմանված սակագներով կարող է մատուցել վճարովի ծառայություններ, զբաղվել հիմնադրի սահմանած՝ ձեռնարկատիրական գործունեության տեսակներով: 

Շինանյութի բաղադրամասերն ավազն ու մանրացված պոլիէթիլենն են։ Արտադրամասն անխափան պլաստիկ հումքով ապահովելու համար Սյունիքի մարզի համայնքներում տեղադրված են պլաստիկ թափոնների տարանջատման և հավաքման համար նախատեսված աղբամաններ, որոնցում  հավաքված պլաստիկ թափոնները տեղափոխվում են արտադրամաս՝ վերամշակման նպատակով: Այն հնարավոր է գունավորել։ Սարքավորման մեջ միախառնելով բաղադրամասերը՝ ջերմային մշակման են ենթարկում, որից հետո, կախված արտադրվող շինանյութի տեսակից, զանգվածը կշռվում է, և հումքը տեղափոխվում է  հաջորդ փուլ՝ մամլիչի մեջ վերջնական ձև ու կերպարանք ստանալու համար։

  Մոտ 5-6 անուն շինանյութ են կարողանում ստանալ. փողոցների եզրաքարեր, սալիկների 2 տեսակ, կղմինդրներ, ցանկապատելու հանգույցներ՝ կանաչ տարածքները սահմանազատելու համար։ Պլաստիկից ու պոլիէթիլենից ստացված շինանյութի առավելությունների մասին խոսելիս պետք է նշել, որ նյութը ամուր է, հիմնականում չի ջարդվում, թեթև է, երկարակյաց․ ամենաքիչը 50-60 տարվա կյանք ունի։

Հասցեն ՀՀ Սյունիքի մարզ, ք. Կապան, Գործարանային փողոց 15։

Հեռ․՝ + 374 95 909335; +374 94 333201 էլ․ հասցե՝ plastshin@gmail.com։

«ՀՀ Սյունիքի մարզի Կապան քաղաքի հաշվապահական ծառայությունների կենտրոն» ՀՈԱԿ-ը /այսուհետ Կենտրոն/ շահույթ ստանալու նպատակ չհետապնդող, իրավաբանական անձի կարգավիճակ ունեցող համայնքային ոչ առևտրային կազմակերպություն է:

Կենտրոնի հիմնադիրը ՀՀ Սյունիքի մարզի Կապան համայնքն է:

Կենտրոնը ստեղծվել է ՀՀ Սյունիքի մարզի Կապանի քաղաքապետի 25.12.2013թ. թիվ 1127-Ա և Կապանի քաղաքային համայնքի ավագանու 25.12.2013թ. թիվ 133-Ա որոշումների համաձայն:

Կենտրոնի գործունեության նպատակն է.

•Համայնքային ենթակայության հիմնարկների և ոչ առևտրային կազմակերպությունների հանձնարարությամբ՝ հաշվապահական հաշվառման համակարգում ՀՀ օրենսդրությամբ սահմանված կարգով, միասնական հիմունքներով կազմակերպությունների հաշվապահական հաշվառման կազմակերպման և վարման, ընդհանուր նշանակության ֆինանսական հաշվետվությունների կազմման և ներկայացման, ինչպես նաև հաշվապահական հաշվառմանը վերաբերվող այլ հարաբերությունների կարգավորման հետ առնչվող ծառայությունների մատուցումը։

•Գնումների բնագավառում ՀՀ օրնեսդրությամբ նախատեսված պահանջների համաձայն կազմակերպում է կազմակերպությունների անհրաժեշտ գնումների ընթացակարգերը։

•Հիմնադրի հանձնարարությամբ կազմակերպությունների գործունեության վերաբերյալ առաջարկությունների, տեղեկանքների, հաշվետվությունների, զեկուցագրերի և այլ գրությունների նախապատրաստումը և ներկայացումը։

•Կազմակերպությունների ղեկավարներին կազմակերպության ֆինանսական և հարկային պարտավորությունների վերաբերյալ պարբերաբար վերլուծական տեղեկանքի ներկայացում։

•Կազմակերպությունների հաշվապահական փաստաթղթերի գրանցման, ամփոփման և պահպանման ապահովումը։

•Կազմակերպությունների կողմից Կենտրոնին տրամադրված փաստաթղթերի և տեղեկությունների գաղտնիության երաշխավորում։

•Տարեկան ֆինանսական հաշվետվություններըպատրաստելուց առաջ կազմակերպություններում ակտիվների և պարտավորությունների գույքագրման անցկացում՝ Հիմնադրի կողմից հաստատված կարգով և ժամկետներում։

•Հիմնադրի որոշմամբ և սահմանած պայմաններով կարող է մատուցել վճարովի ծառայություններ։

Հաշվապահական ծառայությունների կենտրոնի 2020 թվականի բյուջեն կազմում է 28 572 000 ՀՀ դրամ։ 

Հասցեն ՀՀ Սյունիքի մարզ, ք. Կապան, Ռ. Մելիքյան 8։

Հեռ․՝ + 374 93 02 34 31։

Օխտար գյուղը հնագույն բնակավայր է, նախկինում ադրբեջանցիներով բնակեցված, այն 1998-99թթ վերաբնակեցվել է Բաքվից ներգաղթած փախստականներով: Օխտար գյուղը գտնվում է Աճանան գետի հովտում: Գյուղի ներքին մասով հոսում է Էջանան գետը, կլիման բարեխառն է, ամռանը շատ տաք է, իսկ ձմռանը` ցուրտ:  Կապան քաղաքից գտնվում է 21կմ հեռավորության վրա, մայրաքաղաքից՝ 331կմ: Օխտար բնակավայրի տարածքը 719.33 հա է: Բարձրությունը ծովի մակերևույթից՝ 1070 մետր: Բնակելի տների թիվը՝ 44 առանձնատուն: Բնակչության թիվը՝ 90 մարդ:

Բնակավայրում չկան հիմնական արդյունաբերական և ծառայությունների  բնագավառի ձեռնարկություններ։

Բնակավայրի բնակիչները հիմնականում զբաղվում են գյուղատնտեսությամբ՝ լոբու, կարտոֆիլի և այլ բանջարաբոստանային կուլտուրաների արտադրությամբ, ինչպես նաև անասնապահությամբ։ Վերջին տարիներին համայնքում զարգացել է մեղվաբուծությունը։ 

Բնակավայրի հրատապ խնդիրներից են ճանապարհների, միջնակարգ դպրոցի, ոռոգման ջրագծի վերանորոգումը՝ բարեկարգումը: Ճանապարհի բարեկարգումը կնպաստի գյուղմթերքների հեշտ սպառմանը, դպրոցինը՝ աշակարտների թվի ավելացմանը և ուսման որակի բարձացմանը, ոռոգման ջրագծի վերանորոգումը կնպաստի այգեգործության զարգացմանը և ցանկատարածությունների ավելացմանը: 

Տավրուս բնակավայրը գտնվում է Բարգուշատի լեռների հարավ լանջին,  Աճանան գետի հովտում: Տավրուսը (Դովրուսը) նախկինում մտնում էր Զանգեզուրի գավառի Կապանի ոստիկանական շրջանի մեջ: Խորհրդային շրջանում ներառվել էր Նորաշենիկի գյուղխորհրդի և Նորաշենիկի խորհրդտնտեսության կազմում: Նորաշենիկի գյուղխորհրդից տարանջատվել է 1991թ.` կազմավորվելով առանձին վարչական միավոր: 1989-90թթ. բնակեցվել է Ադրբեջանից բռնագաղթված հայերով և Կապանի տարածաշրջանի այլ բնակավայրերից եկած բնակիչներով:

Տավրուս  բնակավայրի տարածքը 724հա է:  Բարձրությունը ծովի մակերևույթից՝ 1120 մետր, հեռավորությունը մարզկենտրոնից՝ 25կմ, մայրաքաղաքից՝ 329կմ:  Բնակելի տների թիվը՝ 32 առանձնատուն: Բնակչության թիվը՝ 103 մարդ:

Բնակչությունը հիմնականում զբաղվում է գյուղատնտեսական գործունեությամբ, անասնապահությամբ, հողագործությամբ:

Ուժանիսը հին բնակավայր է, գտնվում է սահմանամերձ գոտում: Տարածքը՝ 1433.60 հա: Բարձրությունը ծովի մակերևույթից՝ 1120 մետր, հեռավորությունը մարզկենտրոնից՝ 26կմ, մայրաքաղաքից՝ 330կմ: Բնակելի տների թիվը՝ 73, բնակչության թիվը՝ 90:  Նախկինում 3 անգամ տեղահանվել է, գյուղի նախնիները ներգաղթել են Ղարաբաղից և բնակություն հաստատել «Սպիտակ աղբյուր» կոչվող տարածքում 629 թվականին տեղահանվել և բնակություն հաստատել Շինատեղ կոչվող  հանդամասում, ուր այժմ էլ կանգուն է կիսաքանդ, ավերված եկեղեցին։ 3-րդ անգամ գյուղը տեղահանվեց  և բնակություն հաստատեց այժմյան տեղանքում, որտեղ 1873 թվականին կառուցված է եկեղեցին։

1932-1982 թթ․ Ուժանիսում գործել է դպրոց, որը սկզբում տարրականի կարգավիճակով էր, 1983 թվականից չի գործում։ Այսօր դպրոցահասակ երեխաները սովորում են հարևան Եղվարդ գյուղի միջնակարգ դպրոցում։

1991 թվականի մարտի 21-ին բնակիչների ընդհանուր ժողովը որոշեց տարանջատվել Եղվարդի գյուղխորհրդից  և ստեղծել տեղական իշխանության սեփական մարմիններ։ 1991 թվականի ապրիլի 3-ին ձևավորվեց Ուժանիսի գյուղխորհուրդը։

Բնակչությունը հիմնականում զբաղվում է գյուղատնտեսական գործունեությամբ, անասնապահությամբ, հողագործությամբ:

Ճակատեն բնակավայրը Սյունիքի նահանգի Արևիք գավառի հին բնակավայրերից մեկն է։ Գյուղում և շրջակայքում պահպանվել են 10-րդ դարում կառուցված սուրբ Հռիփսիմե եկեղեցի, մատուռը, կամուրջը, որոնք կառուցվել են 15-16-րդ դարերում։ Ճակատեն բնակավայրը գտնվում է Մեղրու լեռնաշղթայի արևելյան գեղատեսիլ, անտառածածկ լանջին, ծովի մակերևույթից 1100 մ բարձրության վրա և մարզկենտրոնից 12 կմ հեռավորության վրա, մայրաքաղաքից՝ 328կմ։ Այն գտնվում է սահմանամերձ գոտում:  Տարածքը 5532.21 հա է: Բնակելի տների թիվը՝ 110 առանձնատուն: Բնակչության թիվը՝ 146 մարդ: Համայնքը չունի արդյունաբերական ձեռնարկություններ և հիմնական սպառման շուկա: Բնակչություն հիմնականում զբաղվում է հողագործությամբ, անասնապահությամբ: Յուրաքանչյուր տնտեսություն իր արտադրած միսը, կաթը, պանիրը, և այլ կաթնամթերքը ինչպես նաև մնացած բանջարաբոստանային կուլտուրաները ինքնուրույն է իրացնում Կապանի շուկայում կամ այլ վաճառակետերում, քանի որ համայնքը սպառման և իրացման հիմնական գյուղատնտեսական արտադրանքի ծավալներ և ծառայություններ չունի: Համայնքն ունի հիմնական դպրոց, որտեղ սովորում են 7 աշակերտներ: Դպրոցը նախատեսված է 100 աշակերտի համար:

ՀՀ Սյունիքի մարզի Ձորաստան բնակավայրն ունի մեկ բնակավայր, որը գտնվում է մարզկենտրոն Կապան քաղաքից 22 կիլոմետր դեպի հյուսիս – արևմուտք, իսկ մայրաքաղաքից՝ 326կմ հեռավորության վրա: Ձորաստան բնակավայրի տարածքը 3330.73 հա է: Բարձրությունը ծովի մակերևույթից՝ 1210 մետր: Բնակելի տների թիվը՝ 111 առանձնատուն: Բնակչության թիվը՝ 74 մարդ: 

Ձորաստանի շրջակայքում պահպանվել են միջնադարյան ամրոցի և բնակավայրերի մնացորդներ, XVII դարի գերեզմանոցներ և եկեղեցու ավերակներ կան նաև 1830 թ. Սբ. Աստվածածին եկեղեցի և “Կոտրած եղցի” սրբատեղի։ 

Համայնքի բնակիչները հիմնականում զբաղվում են գյուղատնտեսությամբ՝ հողագործությամբ և անասնապահությամբ։

Առաջաձոր բնակավայրը գտնվում էր պատմական Սյունիքի Բաղք գավառում։ Բնակիչների նախնիների մի մասը բնիկ է, մյուսը եկել է տարբեր տեղերից՝ Ղարաբաղի Առաջաձոր գյուղից (1760-70թթ.), Գողթնից (1805-1806թթ.), Ղարադաղից (1829թ.)։ Նախախորհրդային շրջանում գյուղում կարևոր դեր էին խաղում ՄելիքՍտեփանյանները։ 

Առաջաձորը 1958թ. միավորված էր Նորաշենիկի պետական տնտեսության հետ, 1991թ. որպես առանձին վարչական միավոր կազմավորել է Առաջաձորի գյուղական խորհուրդը՝ տարանջատվելով Նորաշենիկի գյուղխորհուրդից։ Գյուղում կար դեռևս 1898թ. կառուցված դպրոց։Առաջաձորի շրջակայքում կան միջնադարյան գերեզմանոցներ, «Կռապաշտ» կոչվող գյուղատեղի, եկեղեցիներ, իսկ գյուղի կենտրոնում գտնվող 1480թ. Մելիք-Ստեփանյանների կողմից կառուցված եկեղեցին կանգուն է։ Գյուղում է գտնվում Մելիք-Ստեփանյանների տոհմական դամբարանը։

Առաջաձոր բնակավայրի տարածքը 1286.93 հա է: Բարձրությունը ծովի մակերևույթից՝ 1100 մետր, հեռավորությունը մարզկենտրոնից՝ 20կմ, մայրաքաղաքից՝ 330կմ: Բնակելի տների թիվը՝ 120 առանձնատուն: Բնակչության թիվը՝ 152 մարդ: 

Գյուղատնտեսական գործունեության հիմնական ուղղություններն են` անասնապահությունը, դաշտավարությունը:

Տանձավեր բնակավայրը վերաբնակեցվել է 1932թ.-ին, Հարժիսից, Լեռնաձորից և Շրվենանցից եկած բնակչությամբ: Բնակավայրի տարածքում առկա է 1705թ-ին կառուցված Սուրբ Հռիփսիմե եկեղեցին: Կա նաև Սուրբ Ստեփանոս եկեղեցու ավերակներ: 

Տանձավեր բնակավայրը ներառում է մեկ բնակավայր՝ գ. Տանձավեր: Տանձավեր բնակավայրը գտնվում է սահմանամերձ գոտում: Տարածքը 1677.81 հա է: Բարձրությունը ծովի մակերևույթից՝ 1600 մետր, հեռավորությունը մարզկենտրոնից՝ 35կմ, մայրաքաղաքից՝ 339կմ:  Բնակելի տների թիվը՝ 75 առանձնատուն: Բնակչության թիվը՝ 169 մարդ: 

Գյուղի կլիման ձմռանը ցուրտ է, ամռանը` զով: Բնակլիմայական պայմանները բավարար են բնակվելու և տնտեսություն վարելու համար։ Բնակչությունը հիմնականում զբաղվում է անասնապահությամբ և այգեգործությամբ:

Բարգուշատ բնակավայրը մինչև 1988թ. բնակեցված էր ադրբեջանցիներով, նրանց արտագաղթից հետո՝ 1989-92թթ.-ին բնակավայրը վերաբնակեցվում է Ադրբեջանից բռնագաղթված հայերով: Այժմ Բարգուշատում  ապրում են տարբեր վայրերից եկած բնակիչներ: Բարգուշատը նախկինում անվանում էին Ներքին Գոդաքլու: Բարգուշատ է վերանվանվել 2006 թ.-ի հուլիսի 4-ին: 

Բարձրությունը ծովի մակերևույթից՝ 820 մետր, հեռավորությունը մարզկենտրոնից՝ 10կմ, մայրաքաղաքից՝ 306կմ:  Բարգուշատ բնակավայրի բնակելի տների թիվը՝ 23 առանձնատուն: Բնակչության թիվը՝ 50: 

Բնակչությունը զբաղվում է անասնապահությամբ, դաշտավարությամբ, բանջարաբուծությամբ։

Սզնակ բնակավայրը գտնվում է Սյունիքի մարզում, Ողջի գետի ձախ կողմում: Բարձրությունը ծովի մակերևույթից՝ 760 մետր, հեռավորությունը մարզկենտրոնից՝ 6կմ, մայրաքաղաքից՝ 306կմ:  

Սզնակ բնակավայրի բնակելի տների թիվը՝ 42 առանձնատուն: Բնակչության թիվը՝ 123 մարդ: 

Բնակչությունը զբաղվում է անասնապահությամբ և բանջարաբոստանային կուլտուրաների մշակությամբ։

Ներքին Հանդ բնակավայրը հիմնվել է 1825-28թթ.Պարսկաստանի Ղարադաղ գավառի Վինա, Ամրագու և Քարագլուխ գյուղերից գաղթած մի քանի ընտանիքներից, որոնք անասնապահներ, հողագործներ և տարբեր արհեստներով զբաղվող գյուղացիներ էին: Ներկայիս Ներքին Հանդ բնակավայրը հիմնվել է 1980-ականների սկզբին՝ հին գյուղից 1.5-2 կմ դեպի հարավ արևելք ընկած «Սեկտար» կոչվող հանդամասում։ Մինչ հոկտեմբերյան հեղափոխությունը նրանք բնակություն են հաստատել ներկայիս գյուղից 4կմ հեռավորության վրա գտնվող շենատեղ հանդամասում, այնուհետև ռուս-թուրքական պատերազմից հետո, տեղափոխվել Վարդանասարի հովտային մաս՝ Բասուդա գետի աջակողմյան հատվածը, որտեղ կար եկեղեցի և այնտեղ մնացել մինչև 1985թ.: Այնուհետև տեղափոխվել են Բասուդա գետի ձախակողմյան հատվածում պետականորեն կառուցված տիպային շենքեր: Ներքին Հանդը նախկինում լինելով սահմանամերձ գյուղ՝ պաշտպանական և ռազմավարական տեսանկյունից կարևոր նշանակություն է ունեցել հայ-ադրբեջանական հակամարտության ընթացքում և 1991-93թթ. պատերազմական գործողությունների ժամանակ զգալի տուժել է։ 1993թ-ին ազերինները ներխուժել են գյուղ և հրդեհել այն։ Մեկ տարի անց՝ 1994թ. հանդեցիները կրկին վերադարձել են գյուղ և մինչ այժմ բնակվում են այնտեղ:

Ներքին Հանդ բնակավայրի տարածքը 6272.03 հա է: Բարձրությունը ծովի մակերևույթից՝ 950 մետր, հեռավորությունը մարզկենտրոնից՝ 36կմ, մայրաքաղաքից՝ 352կմ: Բնակելի տների թիվը՝ 22: Բնակչության թիվը՝ 108 մարդ: 

Բնակլիմայական պայմանները հնարավորություն են տալիս բնակչությանը հողատարածքներում աճեցնելու բազմատեսակ բանջարանաբոստանային կուլտուրաներ, իսկ պտղատու ծառատեսակներից առավել տարածված են խնձորենին, տանձենին, կեռասենին, նռենին, սալորենին, արքայախնձորենին և այլ տեսակներ:

Գյուղատնտեսական գործունեության հիմնական ուղղություններն են`  անասնապահությունը, դաշտավարությունը:

Խդրանց բնակավայրը գտնվում է Բարգուշատ լեռների ճյուղերից մեկի լանջին: Տարբեր աղբյուրներում հիշատակվում է Խդրանց, Խոտորանց, Խտրանց, Սիրքաթաս և այլ ձևերով։ Տեղացիների վկայությամբ գյուղը նախկինում անվանվել է Ծաղկաձոր։ 

Համապատասխանում է Սյունիքի Բարգուշատ գավառի Խոտորանց բնակավայրին, որի բարբառային հնչյունափոխությունից էլ առաջացել է Խդրանց անվանումը։ Օտարներն անվանել են նաև Սիրքաթաս։ Գյուղում կա եկեղեցի (1892թ.), մոտ 2 կմ արևելք՝ Չորեքդռնի ավերակ վանքը, 1 կմ հյուսիս-արևելք՝ գերեզմանատներ, խաչքարեր։ Խդրանցը միավորված էր Ագարակի կոլտնտեսության հետ, որպես ինքնուրույն վարչական միավոր կազմավորվել է 1991թ. մայիսին։

Խդրանց բնակավայրը գտնվում է սահմանամերձ գոտում: Բնակավայրի տարածքը 696.74 հա է: Բարձրությունը ծովի մակերևույթից՝ 1030 մետր, հեռավորությունը մարզկենտրոնից՝ 17կմ, մայրաքաղաքից՝ 321կմ: Բնակելի տների թիվը՝ 33 առանձնատուն: Բնակչության թիվը՝ 66 մարդ:

Գյուղատնտեսական գործունեության հիմնական ուղղություններն են`  անասնապահությունը, դաշտավարությունը:

Բնակավայրի հիմնական գյուղատնտեսական արտադրանքը սպառվում է մարզկենտրոնի շուկայում: Դրանք հիմնականում կազմում են դաշտավարության, անասնապահության և  մեղվաբուծության բնագավառից ստացված արտադրանքը, ինչպես նաև հատապտուղների և այլ անմշակ /բնական/  կանաչեղենի հավաքում և իրացում:

Գոմարան բնակավայրը գտնվում է Մեղրու լեռների համակարգին պատկանող մի փոքրիկ սարավանդի վրա, Ողջի գետի աջ ափին: Գոմարան բնակավայրը նախկինում մտնում էր նախկին Գեղանուշ համայնքի կազմի մեջ։ 

Բարձրությունը ծովի մակերևույթից՝ 1040 մետր, հեռավորությունը մարզկենտրոնից՝ 7կմ, մայրաքաղաքից՝ 310կմ: Գոմարան բնակավայրի բնակելի տների թիվը՝ 43 առանձնատուն: Բնակավայրի բնակչության թիվը՝ 53 մարդ: 

Բնակչությունը զբաղվում է անասնապահությամբ, դաշտավարությամբ և այգեգործությամբ։

Գեղանուշ բնակավայրը գտնվում է մեղրու լեռների ճյուղավորումներից մեկի լանջին: Բնակավայրը նախկինում մտնում էր Ելիզավետպոլի նահանգի Զանգեզուր Գավառի մեջ, Գեղանուշ է Վերանվանվել ՀՍՍՀ Գերագույն Խորհրդի 1949թ. հունիս 29-ի հրամանագրով (նախկին անվանումը Կյուտկում)։ Բնակավայրը 1933թ. ներառելով Գոմարան բնակավայրը՝ կազմավորել է կոլտնտեսություն, որը 1991թ. լուծարվել է։ Գեղանուշի շրջակայքում կան Սրհակ, Խնգյու և Ղազանգյոլ հին բնակատեղերի ավերակներ, դամբարան (մ.թ.ա. 1 հզմ), 10-17 դդ. գերեզմանատուն։ Գյուղում կա երկու եկեղեցի, որից առաջինը 15-16 դդ. կառույց է, երկրորդը՝ սբ Հռիփսիմեն՝ կառուցված 1800թ., վերանորգվել և ներկայումս գործում է։

Գեղանուշ բնակավայրը գտնվում է սահմանամերձ գոտում: Տարածքը կազմում է 7690.22 հա: Բարձրությունը ծովի մակերևույթից կազմում է 1040 մետր, հեռավորությունը մարզկենտրոնից՝ 6կմ, մայրաքաղաքից՝ 322կմ: Գեղանուշ բնակավայրի բնակելի տների թիվը՝ 97 առանձնատուն: Բնակավայրի բնակչության թիվը՝ 265 մարդ:

Գյուղատնտեսական գործունեության հիմնական ուղղություններն են` անասնապահությունը, դաշտավարությունը:

Արծվանիկ բնակավայրը գտնվում է Բարգուշատի լեռների ճյուղերից մեկի լանջին, սահմանամերձ գոտում:  Բնակավայրի տարածքը 2819.17 հա է: Բարձրությունը ծովի մակերևույթից՝ 1140 մետր, հեռավորությունը մարզկենտրոնից 14կմ, մայրաքաղաքից՝ 302կմ: Բնակելի տների թիվը՝ 211 հատ: Բնակչության թիվը՝ 600 մարդ: 

Արծվանիկը հնում կոչվել է Երեց կամ Երեցվանիկ և մտել է Մեծ Հայքի Սյունիք աշխարհի Բաղք (Քաշունիք) գավառի մեջ, այնուհետև՝ Արծեվանիկ գյուղ՝ Ելիզավետպոլի նահանգի Զանգեզուր գավառում, Կապանի ոստիկանական շրջանում։ Ըստ հին հարկացուցակի Տաթևի վանքին տալիս էր 12 միավոր հարկ։ Արծվանիկը պատմական հարուստ անցյալ և նշանավոր հնավայր-հուշարձաններ ունեցող բնակավայր է։ Նախկին բնակավայը, որը գտնվել է Արծվանիկից մոտ 1 կմ հարավարևմուտք, ըստ Ստ. Օրբելյանի՝ Երեց կամ Երեցվանիկ է կոչվել վանահայր և հետո՝ Սյունյաց եպիսկոպոս Երիցակի անվամբ, որն այստեղ շինել է Երիցվանքը (6-րդ դար)՝ իր հարակից եկեղեցիով և ճգնավորի մատուռով։ Այստեղ է գտնվում Ագռավի տապան միջնադարյան կառույցը և հնագույն ամրոցի (մ.թ.ա. 4-1 դար) ավերակները։ Բնակավայրի տարածքում կան դամբարանադաշտեր (մ.թ.ա. 2-1 հզմ), գերեզմանոցներ՝ տապանագիր խաչքարերով, հին գյուղատեղիներ, եկեղեցիներ։ Արծվանիկում Դավիթ Բեկի ժամանակներում տեղի է ունեցել ճակատամարտ, որում զոհվել է Չավանդուրի իշխան Թորոսը։ Գյուղում 1881թ. եղել է Րաֆֆին, որը նյութեր է հավաքել Դավիթ Բեկի մասին։ Արծվանիկում 1929թ. կազմավորվել է կալտնտեսություն, որը 1980-ին վերակազմավորվել է խորհրդային տնտեսության, լուծարվել է 1991թ. մայիսի 20-ին։

Գյուղատնտեսական գործունեության հիմնական ուղղություններն են` անասնապահությունը, բանջարաբուծություն, դաշտավարությունը:

Շրվենանց գյուղական համայնքը ներառում է մեկ բնակավայր՝ Շրվենանց: Շրվենանց  բնակավայրը  հիմնադրվել է  9-րդ  դարում: Բարձրությունը ծովի մակերևույթից 514.35 մետր է, հեռավորությունը մարզկենտրոնից՝ 20կմ, մայրաքաղաքից՝ 324կմ: Բնակավայրի տարածքը՝ 516 հա:  Նրա տարածքի ձգվածությունը հյուսիսից հարավ կազմում է 3.5կմ, իսկ արևելքից արևմուտք` 2.5կմ: Բնակավայրի կլիման ձմռանը մեղմ է, ամռանը` զով: Բնակլիմայական պայմանները բավարար են բնակվելու և տնտեսություն վարելու համար։ Համայնքի բնակիչները հիմնականում զբաղվում են գյուղատնտեսությամբ՝ հողագործությամբ և անասնապահությամբ։ 

Բնակելի տների թիվը՝ 56 առանձնատուն: Բնակչության թիվը՝ 70 մարդ:

Բնակավայրում կա մեկդարյա վաղեմությամբ դպրոցական շենք, որը սակայն չի գործում բավարար թվով աշակերտներ չլինելու պատճառով, իսկ համայնքում հաշվառված դպրոցահասակ երեխաները հաճախում են մարզկենտրոնի դպրոցներ։

Դիցմայր բնակավայրը գտնվում է Սյունիքի մարզում, Ողջի գետի ձախ կողմում: Դիցմայր բնակավայրը մինչև 2017թ. նոյեմբերի 5-ը մտնում էր Սյունիք համայնքի կազմի մեջ,  համայնքների խոշորացումից հետո այն մտնում է Կապան համայնքի կազմում: Նախկին անվանումը՝ Ղարաչիման: Դիցմայրի է վերանվանվել 1991 թ.-ին։

Բարձրությունը ծովի մակերևույթից՝ 840 մետր, հեռավորությունը մարզկենտրոնից՝ 6կմ, մայրաքաղաքից՝ 315կմ:  Դիցմայրի բնակավայրի բնակելի տների թիվը՝ 35 առանձնատուն: Բնակչության թիվը՝  63մարդ: 

Բնակչությունը հիմնականում զբաղվում է անասնապահությամբ: