Ղեկավարվելով «Տեղական ինքնակառավարման մասին» Հայաստանի Հանրապետության օրենքի 18-րդ հոդվածի 1-ին մասի 42-րդ կետով, Հայաստանի Հանրապետության Քաղաքացիական օրենսգրքի 605-րդ հոդվածով և հաշվի առնելով Կապան համայնքի ղեկավարի առաջարկությունը, Կապան համայնքի ավագանին որոշում  է.

1․ «Հայկական Կարմիր խաչի ընկերություն» հասարակական կազմակերպության կողմից ՀՀ Սյունիքի մարզի Կապան համայնքին տրամադրված գույքը նվիրաբերել «Կապանի ակումբագրադարանային միավորում» ՀՈԱԿ-ին՝ համաձայն N 1 հավելվածի։  

2․ «Զանգեզուրի պղնձամոլիբդենային կոմբինատ» ՓԲԸ-ի կողմից ՀՀ Սյունիքի մարզի Կապան համայնքին տրամադրված գույքը՝ երաժշտական գործիք հանդիսացող կլարնետը (RB700.457 ROY BENSON) նվիրաբերել «Կապանի Ա․ Խաչատրյանի անվան թիվ 1 երաժշտական դպրոց» ՀՈԱԿ-ին, իսկ ֆլեյտան (YAMAHA YTL 462 H)՝ «Կապանի թիվ 2 երաժշտական դպրոց» ՀՈԱԿ-ի աշակերտ Վազգեն Նարեկի Սարգսյանին։

3․ «Զանգեզուրի պղնձամոլիբդենային կոմբինատ» ՓԲԸ-ի կողմից ՀՀ Սյունիքի մարզի Կապան համայնքին տրամադրված գույքը նվիրաբերել «Կապանի մշակույթի կենտրոն» ՀՈԱԿ-ին՝ համաձայն N 2 հավելվածի։ 

4․ Կապան համայնքի ղեկավարին՝ ապահովել սույն որոշմամբ նշված գույքի  հանձնման-ընդունման գործընթացի իրականացումը:

5. Սույն որոշումն ուժի մեջ է մտնում ստորագրման պահից։